Kim Kardashian hefur nú gefið út nýtt ilmvatn í flösku sem…já, margir kannast við! Hönnuðurinn Jean Paul Gaultier var fljótur að skjóta á raunveruleikastjörnuna á Instagram, enda hefur ilmvatnið hans verið til síðan 1993. Hvað finnst þér – eru flöskurnar of líkar?
Hvers er að fara yfir ólöglegt myndefni á Facebook? Eitt erfiðasta starf sem nokkur getur ímyndað sér er að horfa á efni sem hefur verið tilkynnt á Facebook og ákvarða hvort um sé að ræða óviðeigandi efni eður ei. Um er að ræða barnaklám, hryðjuverk, morð og ofbeldi af ýmsu tagi. Facebook býður þessum starfsmönnum, sem eru svo sannarlega ekki öfundsverðir, sálfræðilega hjálp 24 tíma sólarhringsins. Í meðfylgjandi myndbandi er viðtal BBC við konu sem er í vinnu við að horfa á ógeðfelldasta efni sem er að finna á netinu.
Hér svara 70 konur á aldrinum 5-75 ára þeirri spurningu hver dýrasti hlutur hafi verið sem þær hafa fjárfest í. Er það veski, kápa, íbúð, eða hvað fleira dettur ykkur í hug?
Hin þrítuga Elizaveta Tkachenko frá Rússlandi endaði á bráðamóttöku fyrr í mánuðinum eftir að óþekktu efni var sprautað í andlit hennar af ófaglærðum „snyrtifræðingi.“
Elizaveta, sem býr í Stavropol, ákvað að hún vildi breyta ákveðnum þáttum í anditi sínu með fyllingarefni. Hún ákvað að fara ekki á snyrtistofu heldur bað vinkonu sína Irinu, sem er endurskoðandi, að gera það ódýrara heima hjá sér.
Án efa sér Elizaveta eftir að hafa farið þessa leið, en vinkonan sagðist eingöngu nota úrvals fyllingarefni og sótthreinsaðan búnað og hún hefði mikla reynslu á þessu sviði.
Fyllingarefni var sprautað í varir hennar og nærri augunum. Þrátt fyrir að bólgur við slíka aðgerð geti átt sér stað voru þær svo svæsnar í tilfelli Elizavetu að hún átti í öndunarerfiðleikum. Hún fékk dúndrandi höfuðverk og varirnar litu út fyrir að vera að springa. Degi eftir sprauturnar þurfti hún að leita á bráðamóttöku.
„Vörin á mér sprakk á tveimur stöðum, það vessaði úr henni og ég var með ólýsanlegan höfuðverk,“ sagði Elizaveta í viðtali við NTV.ru. „Ég er þrítug og heilsa mín er ónýt. Það er engin leið að vita hvað þetta mun valda mér í framtíðinni.“
Irina var yfirheyrð af lögreglu og mun hún að öllum líkindum verða kærð. Hún vissi ekki nákvæmlega hvaða efni hún sprautaði í andlit Elizavetu en hvert sem efnið var olli það óhemju bólgum og sennilega óbætanlegum skaða. Samkvæmt lögregluskýrslu hafði Irina enga menntun né réttindi til að framkvæma slíka aðgerð.
Elizaveta hefur nú verið útskrifuð af spítalanum en andlit hennar ber merki um þessa skelfilegu reynslu. Hún sagði við fréttamenn að hún gæti ekki horft á sjálfa sig í spegli. Hún þakkar samt fyrir að vera á lífi, en engin leið er að vita hvort andlit hennar verði samt á ný.
19 ára maður með enga læknismenntun tókst að blekkja starfsfólk í einni virtustu sjúkrastofnun Indlands einungis með því að blanda geði við læknana og klæðast andlitsgrímu og vera með hlustunarpípu um hálsinn.
Ástæður þess að Adnan Khurram ákvað að þykjast vera læknir í All India Institute of Medical Sciences (AIIMS) í Delhí eru óljósar en ljóst þykir að hann komst upp með það í næstum hálft ár. Þrátt fyrir að vera ekki með neina menntun eða þjálfun að baki og ekki fékk hann laun, hafði Adnan stimplað sig rækilega inn í stjórnmál spítalans og tekið þátt í ýmsum viðburðum á vegum hans. Bjó hann til reikning á Instagram undir nafninu Dr. Adnan Khurram.
„Hann ráfaði um í sloppnum og var alltaf með hlustunarpípu um hálsinn,“ segir Harjit Singh, formaður læknafélagsins í viðtali við Hindustan Times. „Við komumst að því að hann hafði gefið mismunandi útskýringar til mismunandi fólks. Hann sagði við suma að hann væri unglæknir og suma að hann væri kandídat.“
Allt gekk vel hjá Adnan, svo vel að starfsfólkið fór að undrast hvernig hann hefði eiginlega tíma til að blanda geði við hina læknana og taka þátt í öllum viðburðum á vegum spítalans. Flestir vinna allt að 20 tíma vaktir en Adnan virtist alltaf vera til taks.
„Við furðuðum okkur á að hann gæti mætt á alla viðburði. Hann hékk á kaffihúsinu eða í læknaálmunni á kvöldin. Við fórum að hugsa hvernig hann gæti þetta.“ Loks var Adnan tilkynntur til lögreglu og var hann handtekinn þegar hann ætlaði að taka þátt í maraþoni starfsfólks. Hann hefur verið kærður fyrir svik og að þykjast vera annar en hann er.
Við yfirheyrslur hefur Adnan gefið mismunandi ástæður fyrir athæfi sínu. Hann hefur bæði sagst vera að kanna aðstæður á spítalanum fyrir fjölskyldumeðlim og svo einnig að honum hafi þótt ánægjulegt að vera í kringum lækna því hann vildi verða einn slíkur síðar meir.
Lögreglan í Delhí hefur sagt að ungi maðurinn hafi komið þeim á óvart með ótrúlegri kunnáttu um lyf, einnig þekkti hann öll nöfn læknanna og deildanna á AIIMS. Ef hann hefði ekki tekið það feilspor að mæta á alla viðburði hefði hann sennilega getað verið þarna í einhver ár í viðbót – í sloppnum með hlustunarpípuna um hálsinn.
Tristan Thompson, barnsfaðir Khloe Kardashian, vogaði sér á Instagram í fyrsta sinn síðan framhjáhald hans komst upp á dögunum. Var hann að fagna sigri körfuboltaliðs síns, Cleveland Cavaliers, og póstaði mynd af sér í búningi með textanum“WHAT AN ATMOSPHERE IN THE Q!! GREAT WIN #OnToTheNextOne”
Aðdáendur Khloe voru ekki lengi að taka við sér og kölluðu hann fávita og sögðu „engum líkar við þig!“ Hvar er „dislike“ hnappurinn sagði einn. „Góðan dag til allra nema TRISTAN“ sagði einhver dálítið barnalegur.
Tristan virðist ekki láta hatrið mikið á sig fá og finnst hann sjálfur vera á toppi tilverunnar síðan fréttirnar bárust. Heimildarmaður sagði í viðtali við Radar að Tristan væri stöðugt að monta sig af framhjáhaldinu og að Khloe myndi aldrei fara frá honum.
Parið er nú að ala upp dótturina True í Cleveland, þrátt fyrir að fjölskylda hennar óski þess heitast að hún komi til Los Angeles.
Kim er sú eina sem hefur tjáð sig um framhjáhaldið og gerði hún það í viðtalsþætti Ellenar.
Leikkonan Pamela Gidley hafði það allt – bæði hæfileika og útlit, en hún kaus að hverfa frá Hollywood fyrir sex árum til að hugsa um veikan bróður sinn. Hún vann keppnina Most Beautiful Girl in the World þegar hún var 19 ára en var þekktust fyrir hlutverk sitt í Twin Peaks upprunalegu þáttunum.
Fæddist hún í Massachusetts árið 1965 og átti hún þrjá eldri bræður. Fjögurra ára gömul vann hún fegurðarsamkeppnina Little Miss Lovely og tveimur árum seinna sat hún fyrir í auglýsingum Jordan March. Stóra tækifærið kom þegar hún var skráð á samning við fyrirsætufyrirtæki í Manhattan, New York og eftir að hafa verið á forsíðu Seventeen tímaritsins hóf hún leikferilinn. Pamela lærði við New York Academy of Dramatic Art skólann og Stella Adler kenndi henni.
Pamela lék með Josh Brolin í hjólabrettamyndinni Thrashin og skrifaði hann þetta á Instagram til að minnast hennar:
Einnig lék hún með Keanu Reeves í Permanent Record. Þekktust var hún þó fyrir að leika fíkniefnaneytandann Teresu í Twin Peaks, en hún átti að hafa fundist með stafinn „T“ undir nögl sem leiddi lögregluna á slóð Lauru Palmer ári síðar.
Pamela var gift áhættuleikaranum James Lew frá 2005-2008. Sótti hann um skilnað í Los Angeles. Árið 2014 var hún tengd við tónlistarframleiðandann Jimmy Iovine en er talið að hún hafi verið einhleyp þegar andlát hennar bar að í litla bænum Seabrook, New Hampshire, þar sem hún bjó en einungis 8,700 manns búa þar.
Er um mikinn viðsnúning að ræða þar sem hún eltist við sviðsljósið sem barn, unglingur og ung kona.
Engin dánarorsök hefur verið gefin upp.
Ef grímuklædd, ókunnug manneskja myndi ráðast inn á heimilið þitt, myndi hundurinn þinn ráðast á hana eða hlaupa í burtu? Inside Edition prófaði nokkur dæmi með hundeigendum og hundum til að sjá hvernig þeir brygðust við. Perry er fimm ára gulur labrador. Eigandi hans, Michelle Kellaher, elskar hann mjög en veltir vöngum yfir hvort hann myndi bjarga henni í neyðartilviki.
Þeir kalla þetta eyju, en um er að ræða fljótandi, uppblásinn leikvöll sem er hannaður fyrir aðdáendur einhyrninga. Er „eyjan“ staðsett í borginni Olongapo á Filippseyjum. Stærðin er á við átta körfuboltavelli sem þýðir að þetta er stærsti skemmtigarður sinnar tegundar í Asíu. Þú getur hoppað á regnbogaskreyttum trampólínum eða rennt þér á litríkum rennibrautum ofan í vatnið. Lítur þetta ekki út fyrir að vera alger draumur?
Sérð þú eftir að hafa farið í brjóstastækkun? Bresk kona ákvað að taka málin í sínar eigin hendur þegar hún hafði ekki efni á að fara til lýtalæknisins. Keypti hún sér dúkahníf fyrir eitt pund og fjarlægði púðana sjálf.
Tonia Rossington ákvað fyrir nokkrum árum síðan að hún vildi stærri brjóst. Kom sú ákvörðun til þar sem hún hafði eignast þrjú börn og hafði áhyggjur af hverfandi og sígandi brjóstum. Stór brjóst voru í tísku á þeim tíma þannig hún lagðist undir hnífinn og fékk sér sílikonfyllingar.
Horfði Tonia til frægra kvenna á þessum tíma, t.d. Katie Price og Melinda Messenger sem voru vinsælar þá. Fór Tonia úr skálastærð 36B í 36F. Samt, rétt eftir aðgerð fór hún að fá bakþanka. Er hún ekki eina konan sem hefur séð eftir þeirri ákvörðun en hún bloggar um reynslu sína á Girly Talk og opnaði sig á dögunum um fjarlægingu brjóstapúðanna. Hafði eiginmaður hennar greitt um hálfa milljón (ISK) fyrir að láta stækka brjóstin í Belgíu. Á þeim tíma var hún í stærð 12-14 og voru þau ekki úr samhengi við líkama hennar.
Svo, þegar hún léttist um nokkur kíló fór barmur hennar að verða allt of stór: „Ég hafði gengið með börn. Þegar ég grenntist urðu þau fáránleg. Ég tapaði brjóstavef og þau fóru að síga og urðu alveg út í hött. Ég fór að fela þau. Ég var í þröngum brjóstahöldum og aldrei í neinu flegnu. Síðustu tvö árin fór ég að þrá að þau hyrfu. Þetta hafði bæði líkamleg og andleg áhrif og ég skammaðist mín fyrir þau.“
Tonia ákvað að taka málin í sínar eigin hendur. Þar sem hún vann í hlutastarfi við þrif, hafði hún ekki efni á aðgerð. Hún var að reyna að safna fyrir henni en alltaf kom eitthvað upp þannig hún þurfti að nota peninginn í annað: „Ég fór að þjást af kvíða og þessi risastóru brjóst höfðu mikil áhrif. Ég vildi losna við þau. Ég veit að fólk segir: „Þú hefðir ekkert átt að fá þér þau!“ eða „Nú, þú fékkst þér þau, þú þarft að lifa með þessu!“ þannig ég tók mína eigin ákvörðun.
Keypti hún latexhanska, sótthreinsandi vökva og dúkahníf. Hún reyndi að gúgla hvernig ætti að framkvæma þetta en lítið var að finna. Ein kona hafði reynt þetta sjálf, svo vitað sé, í Bandaríkjunum en henni tókst aðeins að fjarlægja annan púðann áður en leið yfir hana og hún var flutt á spítala. Þetta kom ekki við Toniu. Notaði hún ísmola til að deyfa svæðið og skar í örið sem fyrir var til að hitta ekki á æðar. Hún sagðist ekki hafa fundið til sársauka en leið eins og hún væri „klikkuð“ meðan hún skar í gegnum fitu og húð. Ekki leið á löngu þar til hún fór að sjá klumpa af sílikoni: „Þetta var ógeðslegt. Ég hafði greinilega skorið í gegnum púðann. Það var mikið af hlaupi sem var úr mér. Síðan kom ég að vasa. Brjóstavasi myndast í kringum fyllinguna. Ég komst að henni og hugsaði: „Sh** ég þarf að ná þessu núna.“ Þegar ég togaði kom það allt út í hönd mína. Ég hugsaði: „S** ég þarf að ná þessi öllu, ég verð.“ Það var sílikon allsstaðar. Það breyttist í mauk.“
Fyllingin í hinu brjóstinu sprakk ekki og var einfaldara að koma henni út í heilu lagi. Tonia setti sárabindi undir brjóstin og keyrði sjálf á spítalann. Hún skildi eftir miða fyrir eiginmanninn og sagðist hafa farið og hann þyrfti ekki að hafa áhyggjur. Á spítalanum voru sárin hreinsuð og skipt um umbúðir. Hún fór heim skömmu síðar án þess að þurfa að vera saumuð. Síðan þá hefur hún farið í skanna og allt sílikonið er horfið og sárin gróin. Varar hún aðra við að fara í lýtaaðgerðir, sérstaklega brjóstastækkanir: „Ég sé þessar auglýsingar um lýtaaðgerðir og stelpur skoppandi um á hestbaki segjandi: „Ég fékk mér brjóst og lífið er æðislegt!“ og ég hugsa bara…„þú átt eftir að sjá eftir þessu.“
Hefur Angie bakþanka? Sjóðheitt samband Brad Pitt við kynþokkafulla prófessorinn Neri Oxman hefur ekki farið framhjá hans fyrrverandi, Angelinu Jolie: „Hún er ekki að höndla vel hvað Brad er orðinn sjálfstæður og hættur að þurfa á henni að halda,“ segir ónefndur vinur Angie, 42, í viðtali við Radar. „Það var mun auðveldara fyrir hana að hunsa símhringingar hans og halda áfram með lífið þegar hún vissi að hún hefði töglin og hagldirnar.“
Eins og Sykur hefur greint frá er Brad gersamlega yfir sig hrifinn af Neri, en hún er prófessor í MIT í Boston. Barnsmóðir sex barna hans, Angelina, fékk sjokk þegar hún frétti af nýja sambandinu: „Hún hélt alltaf að Brad myndi enda með einhverri kærulausri, yngri konu, ekki gáfukonu eins og Neri,“ sagði vinurinn. „Það stingur og lætur hana hugsa hvort hún hafi gert mistök með því að láta hann fara.“
Til að nudda salti í sárin veit hún að bestu vinahjón Brads, George og Amal Clooney „geta ekki beðið eftir að hitta þau Brad og Neri saman í mat.“
Hús þeirra er fullt af böngsum, snuddum og barnadóti þannig ókunnugir myndu áætla að Max væri ung móðir. Svo er hinsvegar ekki. Max er tvítug og þykist vera „lítil“ eða fimm ára. Hún býr með „pabba“ sínum, Johnny sem er 31 árs í Kentucky í Bandaríkjunum. Þau eiga samband sem á ensku kallast DDLG (Daddy Dom, Little Girl) en þau segja það ekki kynferðislegt. Max þarf að fylgja ákveðnum reglum, t.d. má hún ekki svara dónalega, hún þarf að fara snemma í háttinn og fer í skammarkrókinn ef hún brýtur af sér.
Max segist vera fullorðin og geti tekið ákvarðanir sem slík, en hún elskar ekkert meira en þegar „pabbi“ les fyrir hana sögu áður en hún leggur sig á daginn eða þegar hann fer með hana á leikvöllinn að renna sér og róla.
Árið 1997 ákváðu kanadísku hjónin Ron og Natalie Trecroce að ættleiða barn. Fóru þau í þeim tilgangi til Arad í Rúmeníu þar sem þau leituðu að hinni fullkomnu viðbót við fjölskylduna. Þegar þau hittu hina eins árs Rodicu Lavinia Farcas á munaðarleysingjahæli vissu þau að hún yrði þeirra.
Móðir Rodicu hafði sjálf farið með hana á hælið þar sem hún gat ekki séð um hana. Litla stúlkan var við afskaplega slæma heilsu, Ron og Natalie sáu það strax. Hún var mjög vannærð sem orsakaði ýmis önnur heilsufarsvandamál, svo sem vítamínskort og beinkröm.
Hjónin áttu eftir að komast að ýmsu í framhaldi sem þú getur séð í meðfylgjandi myndbandi:
46 ára aldursmunur er á Caitlyn Jenner og Sophia Hutchins, en það virðist ekki hindra þær í að hugsa um hjónaband. Catilyn hefur oft haldið því fram að þær séu „bara vinkonur“ og hefur lýst sambandinu sem „mæðra-dætra“ sambandi, en þær hafa í raun búið saman síðan í júní 2017.
Cait er 68 ára og Sophia 21 árs. Eru þær báðar transkonur. Ef þær myndu ganga í það heilaga væri það fyrsta hjónaband Sophie en hið fjórða fyrir Caitlyn. Fyrir kynleiðréttinguna gekk Cait í hjónaband sem Bruce – með Chrystie Crownover árið 1972, Linda Thompson árið 1981 og auðvitað Kris Jenner árið 1991.
Caitlyn á sex börn – tvö með hverri konu og var stjúpfaðir barna Kris, þeirra Kourtney, Kim, Khloe og Rob Kardashian. Vinur Caitlyn segir í viðtali við tímaritið Heat: „Cait sér sig í framtíðinni með Sophiu. Hún missti stuðningsnetið þegar upp komu deilur við fyrrum fjölskylduna og nú er Sophia eina manneskjan sem hún getur treyst á.“
Fyrr á árinu sagðist Caitlyn hafa leitað til Sophiu þegar of heitt varð í kolunum milli hennar og Kardashian fjölskyldunnar í kjölfar bókarinnar sem Caitlyn gaf út og innihélt ekki fallegar lýsingar um hennar fyrrverandi, Kris, eða fjölskylduna.
Heimildarmaðurinn segir: „Cait er alger útlagi þessa stundina. Hún hefur misst marga vini í LGBT samfélaginu þar sem hún hefur stutt Donald Trump. Hún var að vonast til að geta átt gott samband við Khloe og Kim þar sem þær eiga bæði nýjar dætur en því miður hefur hún ekki hitt þær. Hún hefur heldur ekki fengið að eyða miklum tíma með Stormi (dóttir Kylie Jenner sem fæddist í febrúar). Hún vill félagsskap og var í raun alein þar til hún hitti Sophiu.“
Caitlyn og Sophia búa saman, eins og áður sagði, í húsi Caitlyn í Malibu. Eru þær að undirbúa brúðkaup sem á að vera haldið í rólegheitum þar.
Nú hefur komið í ljós að Tim Bergling, sænski plötusnúðurinn sem gekk undir nafninu DJ Avicii og var elskaður og dáður af mörgum út um allan heim, framdi sjálfsvíg. Dánarorsök var blóðtap, samkvæmt TMZ.
Tim hafði verið afar þunglyndur og átt við ýmis heilsufarsleg vandamál að stríða, þrátt fyrir að vera aðeins 28 ára gamall. Tim átti afar örvæntingarfullt samtal við fjölskyldumeðlim frá Muscat í Oman þann 20. apríl síðastliðinn, en sá aðili lenti í landinu og náði ekki til hans fyrr en Tim hafði verið látinn í tvo tíma – tekið sitt eigið líf. Þessi aðili hafði svo miklar áhyggjur að hann ferðaðist tafarlaust til Oman en hann var of seinn. Hafði Tim skorið sig með glerbroti brotinnar vínflösku og honum blæddi út.
Tim hafði hætt tónleikaferðalögum árið 2016 vegna andlegra og líkamlegra veikinda eins og kunnugt er.
Í síðustu viku hafði fjölskylda Tims komið fram og sagt að hann „hafði ekki getað haldið áfram og þráði frið.“ Andleg heilsa hans hafði verið slæm, en í Oman varð hann verri, segir heimildarmaður náinn fjölskyldunni í viðtali við Daily Mail.
Avicii hafði verið í sambandi við tékknesk-bandarísku fyrirsætuna Tereza Kačerová, og hafði gengið syni hennar í föðurstað.
Tereza hafði birt afar hjartnæmt bréf á Instagram þar sem þau vildu eignast börn saman: „Við kláruðum aldrei Harry Potter maraþonið – þú sást mig aldrei fá áfall þegar Snape dó. Ég sagði þér aldrei að dóttir okkar YRÐI að heita Serafina. Þú kláraðir aldrei tattooið á framhandlegg þínum þannig að andlit mitt og þitt yrði fullklárað. Ég þurfti alltaf að halda sambandi okkar leyndu því ég vildi að það væri OKKAR og okkar bara. Ég vildi ekkert hafa með frægðina að gera.“
Tim, að eigin sögn, hafði ekkert með peningana sem hann þénaði að gera og ráðstafaði þeim að miklu leyti til góðgerðamála.
Sjóðandi heitt vatn, nægilega heitt til að manneskja deyi: Þegar Andrés Ruzo var strákur sagði afi hans honum sögur af dulúðugri borg í hjarta perúska frumskógarins. Hann hélt alltaf að sögurnar væru ósannar, en þær stóðu honum samt nærri hjarta. Þegar hann var orðinn fullorðinn og hafði lært jarðvarmafræði ákvað hann að rannsaka hvort eitthvað væri hæft í þessum sögum. Það sem hann fann var ótrúlegt:
Kynlífsfíkn er alvarlegur vandi: 37 ára gömul kona segir að fíknin hafi gersamlega heltekið líf hennar og eyðilagt samband sitt við fyrrum maka. Rebecca Barker er bresk en býr nú í Frakklandi. Hún þurfti kynlíf fimm sinnum á dag á hápunkti fíknarinnar. Birtist fíknin fyrst þegar hún átti við þunglyndi að etja.
NHS (breska heilsugæslan) viðurkennir kynlífsfíkn ekki sem sjúkdóm.
Þessar myndir hafa það sameiginlegt að hægt er að sjá tvennt út úr þeim. Við höfum fengið færustu sérfræðinga til að sjá hvora myndina þú sérð geti ákvarðað hvor týpan þú ert! Góða skemmtun!
Söngdívan Rihanna ákvað að kynna snyrtivörulínuna sína Fenty í Sádí-Arabíu á dögunum: „Það gaf henni afsökun til að eyða tíma í landinu og hitta fjölskyldu og vini kærastans Hassan Jameel. Einnig vildi hún sýna þeim að hún væri klók í viðskiptum,“ segir vinur söngkonunnar í viðtali við Radar.
Hin þrítuga söngkona fór að hitta Hassan (37) fyrir ári síðan og eru þau tvö óaðskiljanleg. Hann hefur tekið virkan þátt í hennar lífi og nú vill hún gera slíkt hið sama með honum. Vinurinn segir: „Hún vill gjarna fræðast meira um heimaland hans og uppruna.“ Margt bendir til þess að Hassan geti verið „sá eini.“
„Þetta samband er ólíkt öllum sem hún hefur áður verið í. Það kæmi mér ekki á óvart að þau myndu tilkynna trúlofun sína á næstunni,“ segir hann að lokum.
Kylie Jenner átti litlu Stormi þann 1. febrúar síðastliðinn og lítur í raun út betur en nokkru sinni fyrr! Þær mæðgur voru greinilega að njóta sín en barnsfaðirinn Travis Scott var með í för og átti hann afmæli. Kylie naut þess að sleikja sólina og litla dóttirin hlýtur að hafa notið þess einnig!
A post shared by Kylie (@kyliejenner) on
#thrashin #dogtownbeginnings #godschildren @robertrusler #pamgidley
