Meghan Markle og Harry Bretaprins sáust á göngu með hund í garði í London, á kaffihúsi og svo veifuðu svo leigubíl. Konunglegu hjónin virtust hafa átt ótrúlega rólegan dag en það er eitthvað að þessum myndum…
Þau eru ein þekktustu andlit í heimi, en eru mjög „prívat“ í sínu lífi nema við opinberar athafnir.
Svo þegar hertogaynjan og hertoginn af Sussex sáust í garðinum urðu margir mjög undrandi. Þetta var nefnilega ekki allt sem sýndist.
Um var að ræða brúður úr safni Madame Tussauds í London. Fimm vaxmyndir hafa verið gerðar af Meghan og Harry og var þeim stillt upp og teknar af þeim myndir.
Steve Davies, framkvæmdastjóri Madame Tussauds í London segir: „Stytturnar af Harry og Meghan hafa verið afar vinsælar síðan þær komu á safnið fyrr á árinu þannig okkur fannst það væri tími til að þau nytu London annarsstaðar líka.“
