Kylie Jenner átti 21 árs afmæli í gær, en ekki endaði það vel þar sem einn gestur var borinn út á börum í sjúkrabíl. Ekki er vitað hver gesturinn var, en það var ljóshærð kona sem virtist vera skrámuð í framan.
Caitlyn Jenner og Sophia Hutchinson litu út fyrir að vera mjög áhyggjufullar þar sem þær ræddu við öryggisverði.
Fyrr um kvöldið hafði allt Kardashian klanið mætt á stað í vestur-Hollywood til að fagna deginum með Kylie. Samfélagsmiðlar fylltust af snöppum og „selfies“ af þeim öllum og var staðurinn skreyttur í Barbie-bleikum lit.
Afmælisstelpan leit afskaplega vel út, ljóshærð í bleikum kjól.
Kim var í skærbleikum, níþröngum kjól og virtist reyna að stela senunni.
Kendall var í svörtum, stuttum glimmerkjól og voru þær allar afskaplega flottar.
