Jæja, gott fólk. Þá er loks hægt að hylja bústinn endaþarm gæludýra. Svona ef vera skyldi að kisubossar særi siðgæðiskennd einhverra; sér í lagi þegar heimilisdýrið sperrir upp stýrið, mjálmar ámátlega og við blasir … einmitt. Nakinn og náttúrulegur bossi dýrsins.
Þeir dagar eru liðnir, í það minnsta ef marka má bráðsniðuga demantablæju, ef svo má nefna. Twinkle Tush heitir skartgripurinn sem smeygt er yfir skott kattarins, hindrar dýrið ekki í að ganga örna sinna og glitrar eins og alvöru eðalsteinn.